الميدان

كتب صبرة ابو حسن على موقع سماعى  http://www.sama3y.net/forum/showthread.php?p=520799#post520799

 

الشمس طالعه ع الميدان
مع صوت أدان
وجنب منه صوت جرس
مصر الامانه والامين ..
مليون حرس
لما الهتاف اصبح صلا
يهد حصن اللى افترى
والظلم صوته جاه خرس
......................
الحلم جوه فى الميدان
كان من زمان
مزروع وعايز يرتوى
والساقيه محتاجه لشهيد
والشهيد محتاج لعيد
الشهيد محتاج فرح
والفرح محتاج ميدان
والميدان محتاج أدان
والادان جنبه جرس
الامل راكب فرس
جايب لمصر شهيد
جايب لها الحنا
شفتوش كدى ايمان
احمد مع حنا
بيصلوا فى الميدان
...................
الشبر جوه فى الميدان
زايد على فدان
طارح امل بكره
من الدلتا لحد اسوان
ده مهرجان ولا
ثوره على الطغيان
...................
يا بلدنا هدى الخطى
وحافظى على رموزك
يمكن فى لحظه ندم
نرجع من تانى ونعوزك
دم الشهيد اغلى
من دهبك وفيروزك